Tatoeba d asmel web yebnan ɣef twizi, yessumur-d yiwen uzadur isefka n tefyar yettusuqlen ɣer yakk tutlayin, s turagt tilellit. Isem usenfaṛ-a yusa-d si tajapunit "tatoeba" (例えば tatoeba), anamek-is s teqbaylit : "d amedya". Tatoeba ixulef imawalen nniḍen yellan ɣef tnelli seg akken netta yelha-d d usuqel n tefyar ikemlen. Asenfaṛ-is tebda-t-i Trang Ho di 2006, maca si 2009 d Allan Simon i yuɣalen d anemhal-is.
Di wember 2017, Tatoeba yessaweḍ ɣer 6 000 000 n tefyar iferqen ɣef wazal n 320 n tutlayin. Taqbaylit tekcem deg-s di yulyu 2018.