Tracia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tracia ye una rechión historica d'o sud.-este d'Europa entre a Mar Echea y a Mar Negra que prene nombre d'os antigos tracios y que actualment ye dividita entre Bulgaria, Grecia y Turquía, correspondendo a lo sud.-este de Bulgaria, a lo nord-este de Grecia y a tota a part europea de Turquía. Con una superficie d'uns 50.000 km², a suya muga occidental ye o río Mesta.

L'ueste de Tracia presenta un releu montanyoso por a presencia d'os Monts Rhodopeyos, que delimitan a depresión d'o Maritza, o principal río d'a rechión. O norte de Tracia corresponde a las estribacions meridionals d'os Monts Balcans. O sector turco ye a l'este d'o río Maritza y corresponde a la cuenca d'o Ergene.

O clima ye mediterranio en a zona plana y costera. A ganadería ye a principal fuent tradicional de riqueza. Se cautiva os fruitals, a olivera, a vinya y o tabaco.

O principal nuclio habitato ye Estambul, seguito de Plovdin. Tamién ye important Andrianoplin.

A composición etnica ye estata diversa, con bulgaros ortodoxos, bulgaros musulmans (pomacos), turcos rumelís, vlacos helenizatos y griegos en as ciudaz y as zonas costeras. Entre a Primera Guerra Balcanica y a Segunda Guerra Mundial bi ha habito expulsions y intercambios de población seguindo a los cambeos de mugas.

En textos medievals en aragonés s'escribe de diferents trazas: Tracia, Trachi, ecetra. En o "Libro d'el Trasoro" leyemos Craçia: