Twitter

Twitter (renombrau como X o 23 de chulio de 2023) ye un servicio de microblogging y un ret social, con siede en San Francisco, California, con filials en San Antonio (Texas) y Boston (Massachusetts) en Estaus Unius. Twitter, Inc. fue creyau orichinalment en California, pero ye baixo a churisdicción de Delaware dende 2007. Dende que Jack Dorsey lo creyó en marzo de 2006, y lo engueró en chulio d'o mesmo anyo, o ret ha ganau popularidat mundialment y s'estima que tien mas de 200 millons d'usuarios, chenerando 65 millons de tweets por día y maneyando mas de 800.000 peticions de busca diarias. Ha estau considerau como "SMS d'Internet". Entre os suyos usuarios destacan grans figuras publicas, como o president d'os Estaus Unius, Barack Obama. Dimpués d'a merca de Twitter per parti d'Elon Musk o 27 d'octubre de 2022 y los grans cambeos en a plataforma per parti d'o suyo nuevo duenyo causoron una migración masiva d'usuarios de Twitter enta atras plataformas, como Mastodon y Discord, plegando en rechistrar mas de 70.000 cuentas nuevas en a plataforma seguntes Mastodon, causando una sobrecarga en os suyos servidors. O ret permite ninviar mensaches curtos de texto plano, con un maximo de 140 caracters, clamaus tweets, que s'amuestran en a pachina prencipal de l'usuario. Os usuarios pueden conducir-se a os tweets d'atros usuarios – a ixo se le diz "seguir" y a os usuarios conducius se les clama "seguidors". O servicio ye de baldes, encara que se puede incorrer en gastos de connexión. Por defecto os mensaches son publicos, podendo-se endreazar ta bels seguidors determinaus. Os usuarios pueden tweetar dende o web d'o servicio, co u con aplicacions externas (como as que i hai ta telefonos intelichents), u con o Servicio de mensaches curtos (SMS) disponible en cualques países.


From Wikipedia, the free encyclopedia · View on Wikipedia

Developed by Tubidy