Ussidiana

L' ussidiana (o ossidiana) hè una rocca vulcanica vitrosa è ricca in silicia.^[1] Di culori grisgiu, verdi scuru, rossu o neru, hè isciuta di una lava acida (tipu riolita). A vitrificazioni in massa hè resa pussibuli da u forti gradu di pulimerisazioni di a lava^[2]. 'Ssu finominu ùn hà nienti à veda incù l'urlaturi intustati di uni pochi di millimitri à uni pochi di centimi ussirvati annantu à i lavi basichi (filona, pillows lavi) par i quali a vitrificazioni hè divuta à un raffriddamentu rapitu di a lava (cuntattu incù un forti fretu o incù l'acqua).

U so nomu vinaria da Obsius, un parsunaghju di a Roma antica chì avaria signalatu u prima a prisenza di 'ssa rocca, in Etiupia.

1. ↑ 'Ss'articulu pruveni in parti da l'articulu currispundenti di a wikipedia in francesu.
2. ↑ Hervé Bertrand, Alivu Dequincey, Ussidiana / urlatura intustata : una ussidiana ùn hè micca una lava raffritata prestu.