Zahnarme

Zahnarmi
Große Omaisebär (Myrmocophaga tridactyla)
Systematik
Überklass: Chiifelmyyler (Gnathostomata) Reije: Landwirbeldier (Tetrapoda) Chlass: Suuger (Mammalia) Underchlass: Hecheri Suuger (Eutheria) Überordnig: Nääbeglaichdier (Xenarthra) Ordnig: Zahnarmi
Wüsseschaftlige Name
Pilosa
Flower, 1883

Di Zahnarme (Pilosa) sin e Ornig vu dr Suuger. In däre Gruppe wäre d Omaisebäre un d Fuuldier zämmegfasst. Zämme mit dr Panzerete Näbeglaichdier bilde si d Iberornig vu dr Näbeglaichdier (Xenarthra).

Fuuldier un Omaisebäre sin stark an ihri Läbeswyys aabasst un unterschaide sich vum Ussere här dytli vunenander. Omaisebäre hän e langi Schnuure ohni Zehn, lääbe am Boode oder in Baium un frässe Insäkte. Di hitige Fuuldier frässe Bflanze un hän e churzi Schnuure mit bis zue 20 homodonte Zehn. Si lääbe uf Baim. D Riisefuuldier, wu uf em Boode gläbt hän, sin uusgstorbe. Vu dr Panzerete Nääbeglaichdier, wu s hite nume no as Gierteldier git, unterschaide si sich im Fähle vum Hutpanzer. Derwylscht d Monophyli vu dr Nääbeglaichdier insgsamt aidytig isch, sin di Zahnarme as Taxon umstritte.

Scho am Änd vum 18. Johrhundert hän dr Félix Vicq d'Azyr un dr Frédéric Cuvier e baar Diergruppe as Zahnlosi (Edentata) zämmegfasst. Näbe dr hitige Nääbeglaichdier hän die au no d Omaiseigel, d Schiebedier un d Ärdfärli yygschlosse. Hit gälte die Suugergruppe nimi as mitenander verwandt.