Google Ñe'ẽ Mbohasaha (ingleñe'ẽ guive Google Translate) ha'e peteĩ ñe'ẽ mbohasaha omba'apo ijeheguíva heta ñe'ẽme, omoheñóiva ha ome'ẽva Google, ombohasa hag̃ua araitépe jehaipyre, ñe'ẽ, ta'ãnga térã ta'ãngamýi peteĩ ñe'ẽgui ambuépe. Google Translate oguereko katupyry ombohasávo 133 ñe'ẽme, ko ypykatu omba'apo ojehepyme'ẽ'ỹre ha ojeporu ára ha ára hetave 200 sua tapicha. Avei oĩ peteĩ jepysokue Google Chrome kundahárape g̃uarã; Jasykõi ary 2010 jave, Google Translate oñembojoaju Google Chrome kundahára heseguaitépe ombohasa hag̃ua ijeheguiete pe ñanduti kuatiarogue ojehecháva. Ko tembiporu oreko katupyry ombohasávo jehaipyre araitépe oiporúvo pumbyry ra'anga'oha, mba'e poravorã "Javetegua" rupive. Oñemoporãve ha oñemopya'eve hag̃ua oĩ pe tembiporu'i techarãme ha ta'angamýipe ombohasáva ñe'ẽ hi'araitépe.