10 results found for: “Bangladesh”.

Main result

Bangladesh

Republik Rakyaik Bangladesh (bahaso Bengali: গণপ্রজাতন্ত্রী বাংলাদেশ, Gaṇaprajātantrī bānlādēśa) adolah sabuah nagara di Asia Selatan nan babatehan jo India di barat, utara, jo timur, Myanmar di tenggara, sarato Taluak Benggala di selatan. Bangladesh, basamo jo Benggala Barat di India, mambantuak kawasan etno-linguistik Benggala. Bangladesh (বাংলাদেশ) sacaro harafiah bamakna "Nagara Bangla". Ibu kota jo kota paliang gadang di Bangladesh iolah Dhaka. Bateh wilayah Bangladesh ditetapkan malalui pamisahan India pado taun 1947. Nagara ko marupokan sayok timur Pakistan (Pakistan Timur) nan tapisah dari sayok barat sajauah 1.600 kilometer. Pabedaan politik, bahaso, jo ekonomi mambuek pacah di antaro kaduo sayok, nan baujuang pado malatuihnyo parang kamardekaan taun 1971 jo pandirian nagara Bangladesh. Tahun-tahun salapeh kamardekaan ditandoi jo kalaparan, bancano alam, kamiskinan, huru-hara politik, korupsi, jo kudeta militer. Bangladesh mamiliki jumlah panduduak tagadang kasalapan di dunia dan marupokan salah satu nagara tapadek di dunia jo tingkek kamiskinan nan tinggi, namun pandapatan per kapita Bangladesh alah maningkek duo kali lipek sajak taun 1975 jo tingkek kamiskinan turun 20% sajak mulo taun 1990-an. Nagara ko dimasuakan sabagai salah satu bagian dari "Next Eleven". Ibu kota Dhaka jo wilayah urban lainnyo manjadi panggarak utamo di baliak patumbuahannyo. Sacaro geografis, nagara ko ado di Delta Gangga-Brahmaputra nan subur. Bangladesh mangalami banjir muson jo siklon tahunan.