Aboe Dhabi أَبُو ظَبْيٍ | |
---|---|
Stad | |
![]() | |
![]() Ligging van Aboe Dhabi in die VAE | |
Koördinate: 24°28′00″N 54°22′00″O / 24.46667°N 54.36667°O | |
Land | ![]() |
Emiraat | Aboe Dhabi |
Oppervlak | |
• Totaal | 972,45 km2 (375,47 vk. myl) |
Bevolking | |
• Totaal | 921 000 |
Tydsone | UTC+04:00 (VAE-standaardtyd) |
Lughawe | Aboe Dhabi Internasionale Lughawe |
Webwerf | abudhabi.ae |
Aboe Dhabi (ook Abu Dhabi; Arabies: أَبُو ظَبْيٍ, Abū Ẓabī, [ɐˈbuˈðˤɑbi]) is die hoofstad van die gelyknamige emiraat en die tweede grootste stad van die Verenigde Arabiese Emirate (VAE) ná Doebai met meer as een miljoen inwoners.
Aboe Dhabi, wat op 'n eiland in die Persiese Golf geleë is en ook as regeringsetel van die VAE dien, was oorspronklik 'n klein Bedoeïne- en vissersdorpie en tot in die 1930's 'n sentrum van die pêrelhandel. Eers met die ontdekking van ruolievelde in die laat 1950's het die stad 'n ongekende ekonomiese opswaai beleef. Vandag is Aboe Dhabi 'n moderne stad waar miljarde in eiendomsprojekte belê word.
Aboe Dhabi is 'n belangrike vervoerspilpunt vir die hele federasie. Mina Zayed, 'n groot seehawe met houerterminale wat vanaf 1987 ontstaan het, is in die noordooste van die eiland geleë, terwyl Aboe Dhabi se internasionale lughawe naas Doebai tot 'n leidende nasionale en internasionale lugspilpunt ontwikkel het.
Yas Eiland is ook deel van die stad.
Aboe Dhabi was een van die gasheerstede tydens die T20I-wêreldbeker 2021.