Alessandro Volta

Alessandro Giuseppe Antonio Anastasio Volta (Italiaans: [alesˈsandro ˈvɔlta]; * 18 Februarie 1745 – † 5 Maart 1827) was 'n Italiaanse fisikus, chemikus, en 'n pionier in die veld van elektrisiteit.^[1]

Hierdie groot fisikus, wat in 1745 in Como in Italië gebore is, was 'n belangrike ontdekker en uitvinder. Sy belangrikste eksperiment was in verband met elektrisiteit, en sy uitvinding van die galvaniese battery (die volta-suil) was van onskatbare waarde vir die ontwikkeling van die tegnologie en die natuurwetenskap in die 19de en 20ste eeu.

Volta is in 1827 oorlede, maar sy naam leef voort in die woord volt, die maateenheid vir elektromotoriese krag wat op elke elektriese toestel, van die gewone gloeilamp tot by die outomatiese wasmasjien, verskyn.

1. ↑ Giuliano Pancaldi, "Volta: Science and culture in the age of enlightenment", Princeton University Press, 2003.