Cambridge | |
---|---|
Stad | |
![]() Cambridge op 'n reënerige dag. | |
Koördinate: 52°12′00″N 0°07′00″O / 52.20000°N 0.11667°O | |
Land | ![]() |
Land | Engeland |
Graafskap | Cambridgeshire |
Stigting | 1ste eeu |
Stadstatus | 1951 |
Regering | |
• Burgemeester | Paul Saunders |
Oppervlak | |
• Stad | 115,65 km2 (44,65 vk. myl) |
Hoogte | 6 m (20 ft) |
Bevolking | |
• Stad | 125 700 |
• Metro | 752 900 |
Tydsone | UTC+00:00 (MGT) |
• Somertyd | UTC+01:00 (BST) |
Poskode | CB1 – CB5 |
Skakelkodes | 01223 |
Webwerf | cambridge.gov.uk |
Cambridge (in outydse Afrikaans, Kambrugge) is 'n stad en distrik in die graafskap Cambridgeshire in die suidooste van Engeland. Die stad is ongeveer 80 kilometer noordoos van Londen langs die Camrivier geleë. Cambridge beslaan 'n oppervlakte van 115,65 km² en het sowat 126 000 inwoners, waarvan min of meer 22 500 studente is, in 2010 gehad.
Die stad is veral bekend as die tuiste van die Universiteit van Cambridge, wat naas die Universiteit van Oxford een van die twee belangrikste Engelse universiteite is. Die verskillende kolleges is oor die stad versprei, maar ressorteer almal onder dieselfde universiteit. Die stad het ook 'n bekende wetenskappark en is die tuiste van talle rekenaar- en elektronika-maatskappye.[1]
Cambridge beteken letterlik brug oor die Cam.[2] Talle groen parke kan langs die Camrivier gevind word.