Back Мусаши (кораб) Bulgarian Musaši (1940) Czech Musashi Danish Musashi (Schiff, 1942) German Μουσάσι (θωρηκτό) Greek Japanese battleship Musashi English Musashi (1942) Spanish نبردناو موساشی Persian Musashi (1940) Finnish Musashi (cuirassé) French
.jpg) Musashi verlaat Brunei in Oktober 1944 | |
| Loopbaan | 
|
|---|---|
| Bestel: | Junie 1937 |
| Neergelê: | 29 Maart 1938 |
| Tewaterlating: | 1 November 1940 |
| Indiensstelling: | 5 Augustus 1942 |
| Lot: | Gesink op 24 Oktober 1944, tydens die Slag van Leytegolf |
| Algemene Eienskappe | |
| Verplasing: | 64 000 ton (leeg, met pantser); 72 809 ton (volle vrag) |
| Lengte: | 244 m (800,5 vt) waterlyn 263 m (862 vt 10 dm) totaal |
| Breedte: | 36,9 m (121 vt) |
| Diepgang: | 10,86 m (35 vt 8 dm) maksimum |
| Aandrywing: | 4 stoomturbines 150 000 pk (110 MW), aangedryf deur 12 Kanpon stoomketels, Vier 3-lemskroewe, 6,0 m (19,7 vt) breed |
| Spoed: | 27,5 knope (51 km/h) |
| Reikafstand: | 13 300 km teen 16 knope (30 km/h) |
| Bemanning: | 2 500 |
| Pantser: | 650 mm op hoofaansig van die kanontorings 410 mm sypantser op waterlyn 200–230 mm gepantserde dek |
| Bewapening: | In 1941: 9 x 46 cm (18,2 duim) (3x3) 12 x 15,5 cm (6,1 duim) (4x3) 12 x 12,7 mm (6x2) 36 x 25 mm lugafweer (12x3) 4 x 13 mm AA-masjiengewere |
| Vliegtuie: | 6–7 × Nakajima E8N of Nakajima E4N bootvliegtuie |
| Katapulte: | 2 |
Musashi, vernoem na die voormalige Japannese provinsie,[1] was een van drie Yamato-klas slagskepe wat vir die Japannese Keiserlike Vloot, gebou is teen die laat 1930s. Die Yamato-klas skepe was die swaarste en kragtigste bewapende oorlogskepe ooit gebou, dit het byna 73 000 ton verplaas en was bewapen met nege 46 cm-hoofkanonne. Sy verdere bewapening het bestaan uit vier 15,5 cm driedubbele-skiettorings. Die skip was verder toegerus met ses of sewe bootvliegtuie om soektogte te onderneem.
Musashi, wat teen die middel van 1942 in gebruik geneem is, is aangepas om as vlagskip van die gekombineerde vloot te dien en het die res van die jaar spandeer om slaggereed te maak. Die skip is vroeg in 1943 na die Truk-strandmeer oorgeplaas en het dieselfde jaar verskeie kere met die vloot uitgevaar in onsuksesvolle soektogte na Amerikaanse magte. Hy is in 1944 verskeie kere gebruik om magte en toerusting tussen Japan en verskillende besette eilande te vervoer.
Musashi is in die vroeë 1944 deur 'n Amerikaanse duikboot getorpedeer, en is gedwing om terug te keer na Japan vir herstelwerk, waartydens die skip se teenvliegtuig wapentuig ook aangevul het. Hy was teenwoordig tydens die Slag van die Filippynse See in Junie, maar het nie met Amerikaanse oppervlakmagte in aanraking gekom nie. Tydens die Slag van Leytegolf op 24 Oktober 1944 is Musashi deur 'n geskatte 19 torpedo- en 17 bomaanvalle van Amerikaanse vliegtuie gesink. Meer as die helfte van sy bemanning is gered. Die wrak is in Maart 2015 opgespoor deur 'n span navorsers in diens van Paul Allen, medestigter van Microsoft.
Aangesien die Japannese vloot verwag het dat hulle nie soveel skepe as die Verenigde State sou kon vervaardig nie, is die Yamato-klas skepe met hul groot omvang en swaar bewapening ontwerp om individueel beter te wees as enige Amerikaanse slagskip.[2] Musashi het 'n lengte van 244 meter op die waterlyn en 263 meter algeheel, 'n breedte van 40 meter [3] en 'n diepgang van 10,86 m met volle vrag gehad.[4] Hy het 65 000 ton teen standaardvrag en 72 809 ton teen diepvrag verplaas. Sy bemanning het bestaan uit 2 500 offisiere en matrose in 1942, en ongeveer 2 800 in 1944.[5]
.jpg)