Back كابو دا روكا Arabic Cabu de la Roca AST Roka burnu Azerbaijani Рока (мыс) Byelorussian Кабу да Рока (нос) Bulgarian Cabo da Roca Breton Cap de la Roca Catalan Cabo da Roca CEB Cabo da Roca Czech Kap Roca Danish
Kaap Roca (Portugees: Cabo da Roca) is die mees westelike punt van die Portugese vasteland. In die Romeinse tydperk het dit as Promontorium Magnum bekend gestaan.
Cabo da Roca lê in die distrik Lissabon (Portugees: Lisboa), sowat 40 kilometer wes van die hoofstad Lissabon en 18 kilometer wes van Sintra, in die natuurpark Serra de Sintra. Sy koördinate, 38° 47' Noord, 9° 30' Wes, is in die steenplaat van sy monument ingegraveer. Die kaap se rotswand verrys sowat 140 bo die seevlak van die Atlantiese Oseaan. Op sy spits is 'n vuurtoring opgerig. Die kaap is 'n gewilde toeristebestemming.
Die digter Luís de Camões het Cabo da Roca as die plek beskryf "waar die land eindig en die see begin" (Portugees: "Onde a terra acaba e o mar começa"). Vergelykbare geografiese punte is Kaap Finisterre (letterlik "die land se einde") in Spanje, Finistère in Frankryk, en Land's End in die Verenigde Koninkryk.