Die Organisasie vir Afrika-eenheid (OAE) (Engels: Organisation of African Unity (OAU), Frans: Organisation de l'unité africaine (OUA)) is op 25 Mei 1963 in Addis Abeba gestig met twee-en-dertig regerings wat die OAE-handves onderteken het. 'n Verdere 21 lande het geleidelik oor die jare aangesluit, met Suid-Afrika wat op 23 Mei 1994 die 53ste lid geword het. Die organisasie is op 9 Julie 2002 deur sy laaste voorsitter, die Suid-Afrikaanse president Thabo Mbeki, ontbind en met die Afrika-unie (AU) vervang.[1]