Pools język polski | ||
---|---|---|
Uitspraak: | [ˈpɔlski] | |
Gepraat in: | ![]() ![]() ![]() ![]() ![]() ![]() ![]() ![]() ![]() | |
Gebied: | Sentraal- en Oos-Europa | |
Totale sprekers: | 40 miljoen[1] | |
Rang: | 27 | |
Taalfamilie: | Indo-Europees Slawies Wes-Slawies Lechities Pools | |
Skrifstelsel: | Latynse alfabet | |
Amptelike status | ||
Amptelike taal in: | ![]() ![]() | |
Gereguleer deur: | Poolse Taalraad (Rada Języka Polskiego) | |
Taalkodes | ||
ISO 639-1: | pl | |
ISO 639-2: | pol | |
ISO 639-3: | pol | |
Nota: Hierdie bladsy kan IFA fonetiese simbole in Unicode bevat. |
Die Poolse taal (Pools: język polski, polszczyzna [ˈpɔlski]) maak deel uit van die Lechitiese groep van die Wes-Slawiese tale, 'n subgroep van die Indo-Europese taalfamilie. Dit is nou verwant aan Kasjoebies, Tsjeggies, Slowaaks en Sorbies en tans die mees gesproke Slawiese taal naas Russies.
Pools is die amptelike taal van Pole asook een van die ampstale van die Europese Unie. Naas sowat 38 miljoen Poolssprekendes in Pole is daar tussen 1,5 en 2 miljoen sprekers in die buiteland (sommige akademiese bronne noem hoër syfers van tot agt miljoen[2]). Groot minderhede van Poolssprekendes word in Oos- en Noordoos-Europese lande soos Rusland, Litaue, Belarus, Oekraïne en Tsjeggië aangetref, maar ook in immigrantegemeenskappe in Kanada, Ierland, Argentinië en Australië. Daar is beduidende Poolse minderhede in die Verenigde State waar sowat 670 000 Poolssprekendes hulle gevestig het,[3] asook in Duitsland, Brasilië, Frankryk en die Verenigde Koninkryk.