Putin's Russia
| |
---|---|
Oorspronklike titel | Путинская Россия |
Skrywer | Anna Politkofskaja |
Land | ![]() |
Taal | Russies |
Onderwerp | Wladimir Poetin, Poetinisme |
Genre | Niefiksie |
Uitgewer | Harvill Press |
Uitgegee | 2004 |
Bladsye | 290 |
ISBN | 978-1-84343-050-6 |
Putin's Russia (Russies: Путинская Россия) is ’n niefiksie-boek deur wyle Anna Politkofskaja, ’n internasionaal bekende joernalis en skrywer van Rusland. Dit handel oor die lewe in die moderne Rusland onder die destydse president Wladimir Poetin.[1][2]
Politkofskaja meen in die boek Rusland het onder Poetin steeds aspekte van ’n polisie- of mafiastaat. In die boek beskuldig sy die Russiese geheime diens, die FSB (die opvolger van die Sowjetunie se KGB), daarvan dat hulle alle burgerlike vryhede onderdruk sodat hulle ’n Sowjet-styl diktatorskap tot stand kan bring, maar erken: "Dit is ons wat verantwoordelik is vir Poetin se beleidrigtings . . . die gemeenskap het grenslose onbelangstelling getoon . . . terwyl die Tsjekiste hulle in die mag ingegrawe het; ons het hulle toegelaat om ons vrees te sien, en daardeur hul drang versterk om ons soos beeste te behandel. Die KGB respekteer net die sterkes. Dit verslind die swakkes. Ons van alle mense behoort dit te weet."