Back Rotterdam ALS ሮተርዳም Amharic Rotterdam AN روتردام Arabic ܪܘܛܪܕܐܡ ARC روتردام ARZ Rotterdam AST Rotterdam Azerbaijani Роттердам Bashkir Rotterdam BAN
Rotterdam | |
|---|---|
Munisipaliteit | |
 Uitsig op die Erasmusbrug | |
 Vlag  Wapen | |
 Ligging van Rotterdam in Zuid-Holland-provinsie | |
 Kaart van Rotterdam-munisipaliteit | |
| Koördinate: 51°55′N 4°30′O / 51.917°N 4.500°O | |
| Land |  Nederland |
| Provinsie |  Zuid-Holland |
| Stigting | 13de eeu |
| Regering | |
| • Burgemeester | Carola Schouten (CU) |
| Oppervlak | |
| • Totaal | 324,14 km2 (125,15 vk. myl) |
| • Land | 218,42 km2 (84,33 vk. myl) |
| • Water | 105,72 km2 (40,82 vk. myl) |
| Hoogte | −3 m (−10 ft) |
| Bevolking | |
| • Totaal | 670 610 |
| • Digtheid | 3 070/km2 (8 000/vk. myl) |
| 1 Januarie 2024 | |
| Tydsone | UTC+1 (IST) |
| • Somertyd | UTC+2 (IDT) |
| Poskode | 3011–3199 |
| Skakelkodes | 010 |
| Bestuurlike sentrum | Rotterdam |
| Webwerf | www.rotterdam.nl |
Rotterdam is 'n groot Nederlandse hawestad en die tweede grootste stad van Nederland. Rotterdam maak deel uit van die Randstadgebied en is in Zuid-Holland aan die Nieuwe Maas geleë, wat 'n tak van die Maas in die Ryn-Maas-delta is. Die Maasstad het ontstaan op dié rivier se noordelike oewer, maar het sedert ongeveer 1900 ook uitgebrei op die suidelike oewer, wat op die eiland IJsselmonde geleë is.
Die hawe van Rotterdam is een van die grootste en belangrikste hawens ter wêreld, en die grootste in Europa.
Met ongeveer 671 000 inwoners (2024) is Rotterdam die tweede grootste stad (naas Amsterdam) in Nederland.[1]
Rotterdam het sy naam te danke aan 'n dam in die Rotterivier. Die stad is geleë aan die Nieuwe Maas, een van die riviere in die delta wat deur die Ryn en die Maas gevorm word. Die hawe van Rotterdam was lank die grootste ter wêreld en is steeds die grootste en belangrikste in Europa. Die hawegebied strek oor 'n lengte van 40 kilometer en is 'n belangrike logistieke en ekonomiese sentrum. Deels vanweë die hawebedryf het Rotterdam die beeld van 'n werkersklasstad en die stad het 'n diverse bevolking.
Nadat die historiese middestad op 14 Mei 1940 grootliks deur 'n Duitse oorlogsbomaanval vernietig is, het Rotterdam 'n bakermat geword vir innoverende argitektuur, insluitend die Erasmusbrug, die kubushuise en 'n groot aantal wolkekrabbers. Die stad is ook bekend vir die Erasmus Universiteit, die kunsversamelings van Museum Boijmans Van Beuningen en die Sparta, Excelsior en Feyenoord sokkerklubs.
- ↑ "cos.rotterdam.nl: COS Bevolkingsmonitor" (PDF). Geargiveer vanaf die oorspronklike (PDF) op 24 Julie 2011. Besoek op 12 Februarie 2011.