Roubaix Robaais | |
---|---|
Leuse(s): Probitas et Industria | |
Koördinate: 50°41′24″N 3°10′54″O / 50.69000°N 3.18167°O | |
Land | ![]() |
Gewes | ![]() |
Département | ![]() |
Arrondissement | Lille |
Kanton | Roubaix 1, Roubaix 2 |
Regering | |
• Burgemeester | Guillaume Delbar |
Oppervlak | |
• Totaal | 13,23 km2 (5,11 vk. myl) |
Hoogte | 17–52 m (56–171 ft) |
Bevolking | |
• Totaal | 95 866 |
• Digtheid | 7 246/km2 (18 770/vk. myl) |
Tydsone | UTC+1 (CET) |
• Somertyd | UTC+2 (CEST) |
Poskode | 59100 |
Skakelkodes | 59512 |
Webwerf | www.ville-roubaix.fr |
Roubaix(fr) of Robaais(nl) (in historiese kontekste soms Robeke of Roodebeeke) is 'n ou nywerheidstad in Noord-Frankryk en die suidoostelike gedeelte van die voormalige provinsie Frans-Vlaandere, naby aan die Belgiese grens. Roubaix is ook 'n munisipale gebied en die hoofstad van twee kantons in die arrondissement Lille in die département Nord in die gewes Hauts-de-France.
Roubaix is 'n multikulturele stad en met 'n bevolking van byna 96 duisend inwoners in 2013 die derde mees bevolkte stad van die gewes, ná Lille en Amiens. Ten spyte van sy swak omvang, vorm sy die Noordoos-sentrum van die Metropolitaanse Gebied van Lille,[1] met 'n oppervlakte van 13,23 km².
Roubaix was deur die eeue heen 'n bekende wol- en tekstielsentrum. Histories was Roubaix een van die vernaamste spilpunte van die Industriële Revolusie in Noord-Frankryk gewees. Gedurende hierdie periode, is die stad ook "die stad van 'n duisend skoorsteene" genoem. Tussen 1846 en 1896 het die bevolking van die stad gegroei van 31 039 tot 124 661.
Die stad staan vandag veral bekend as eindbestemming van die Parys-Roubaix-fietswedren. Ten slotte is Roubaix 'n kulturele plek met 'n verskeidenheid museums en ander instellings.