Schiedam | |
---|---|
Munisipaliteit | |
![]() Die ou stadhuis van Schiedam | |
![]() Ligging van Schiedam-munisipaliteit in Zuid-Holland | |
Koördinate: 51°55′00″N 4°24′00″O / 51.91667°N 4.40000°O | |
Land | ![]() |
Provinsie | ![]() |
Regering | |
• Burgemeester | Jules Bijl (D66) |
Oppervlak | |
• Totaal | 19,89 km2 (7,68 vk. myl) |
• Land | 18,10 km2 (6,99 vk. myl) |
• Water | 1,79 km2 (0,69 vk. myl) |
Bevolking | |
• Totaal | 76 256 |
• Digtheid | 4 213/km2 (10 910/vk. myl) |
Poskode | 3100 - 3125 |
Skakelkodes | 010 |
Webwerf | www.schiedam.nl |
Schiedam is 'n stad wat naby Rotterdam in Nederland geleë is, aan 'n rivier die Maas, by die monding van die klein riviertjie die Schie. Dit is die stad waar Jan van Riebeeck, die stigter van die eerste Europese kolonie in die Kaap die Goeie Hoop grootgeword het.
Schiedam het ontstaan op dieselfde wyse as sy groot buurstad, Rotterdam: naby die monding van die riviertjie die Schie het die ambagsman Dirk Bokel in ongeveer 1250 (waarskynlik) 'n dam gebou om die polderland te beskerm teen die seewater. Handelaars het hulle by die dam gevestig, omdat hulle vanaf Schiedam handelsware na Delft, Leiden en Haarlem kon verskeep. Die dorpie het in 1275 stadsregte gekry van Aleida van Avesnes, die suster van graaf Willem II van Holland. Hulle het hier 'n kasteel gebou, die "Huis te Riviere" of "Huis Mathenesse". Oorblyfsels van 'n burg of kasteeltoring wat deel uitgemaak het van die kasteel, is nog te sien in die sentrum van Schiedam, langs die stadskantoor (munisipaliteit) van Schiedam.
Vanaf die vyftiende eeu het 'n gebruik naamlik die verering van die Heilige Vrou Liduina ontstaan. Sy het in Schiedam gewoon. Later het die stad belangrik geword weens die vangs van haring, 'n vissoort wat soos 'n harder lyk.
In die agtiende eeu het jenewerstokery ontwikkel in Schiedamse. Tientalle distilleerderye het Schiedamse jenewer oor die hele wêreld uitgevoer. Tans word daar nóg jenewer gestook!. Die ses koringmeule (De Noord, Walvisch, Drie Koornbloemen, Nieuwe Palmboom, Vrijheid en Kameel) is die hoogste meule in die wêreld.