Buch Hosea

S Buech Hosea in dr Bible wird im Hosea (au: Hoschea, in dr Vulgata Osee), Soon vom Beeri zuegschriibe. Dä isch noch em Tanach, dr hebräisch-aramäische Bible, e Brofeet gsi, wo zwüschen öbbe 750 und 725 v. d. Z. im Nordriich Israel gwirkt het.

S Buech Hosea isch s erste Buech im Zwölfbrofeetebuech im Tanach mit dr Gschicht über e Gottesbild, wo dr Hosea uf dr Basis vo dr äigene läidvolle Liebeserfaarig entwigglet het, und wo die verzwiifleti Liebi zu Israel söll daarstelle. Er chlagt d Briester aa, wo die äigentlige Verderber vom Volk sige, wil si d Tora vo Gott wurde vergässe und bestächlig sige. Wie dr Brofeet Amos forderet er soziali Grächtigkäit und e Veränderig vo dr Gsellschaft (Hos 10,12f), er stellt aber d Kritik am Opferkult und an de Briester in dr Vordergrund.

Im Hosea si Wärk wird under de zwölf chliinere Brofeete iigräiht. Dr Naame Hosea (hebräisch הושע) bedütet er rettet.