Dante isch e männlige Vorname. Er isch ursprünglig italiänisch und isch etymologisch en Abchürzig vom alte Name Durante, wo hüt nume no wenig bruucht wird. Dä chunnt vom latiinische Durans, wo s Partizip Präsens vom Värb durare mit dr Bedütig "abherte", "ushalte" usw. isch. Er isch eso in dr Bedütig em Name Konstantin ähnlig.
Dr Name isch dur dr italiänisch Dichder Dante Alighieri, wo eigetlig Durante gheisse het, berüehmt und populär worde. Im Italiänische wärde au d Forme Durando und Durantino bruucht.