Back Eurovision-sangfees Afrikaans Festival d'a Canción d'Eurovisión AN مسابقة الأغنية الأوروبية Arabic مسابقة يوروڤيجن د لأغنية ARY Festival del Cantar d'Eurovisión AST Avroviziya Mahnı Müsabiqəsi Azerbaijani Euruovėzėjė BAT-SMG Конкурс песні Еўрабачанне Byelorussian Конкурс песьні Эўрабачаньне BE-X-OLD Песенен конкурс „Евровизия“ Bulgarian
Dr Eurovision Song Contest (ESC; bis 2001 z Dytschland frz. Grand Prix Eurovision de la Chanson) isch e internationaler Musikwettbewärb vu Kumpenischten un Liedschryber, wu syter anne 1956 alljohr vu dr Europäische Rundfunkunion (EBU) im Ramme vu dr Eurovision veraastaltet wird. D Aaregig derzue isch s Sanremo-Festival gsii, wu s scho syter anne 1951 git. Syt em Eurovision Song Contest 1957 schicke d Rundfunkaastalte vu jedem Land, wu mitmacht, ai Lied zum Eurovision Song Contest.
Bim ESC derfe alli Rundfunkaastalte vu dr Staate vu dr EBU mitmache. Zue däre Rundfunkunion ghere Radio- un Färnsehstatione vu fascht alle europäische Länder und us em Middelmeerruum. Nit drzue ghert Auschtralie, wo syt 2015 au mitmache darf.
Dr international Wettbewärb findet regelmäßig im Land vum Vorjohressiger statt. Syt 2004 git s e Halbfinal un e Final. S Final bstoht us zwee Dail: im erschte Dail bresäntiere sich d Finalischte mit ihre Lieder, un im zweete Dail wäre d Pinkt vu dr ainzelne Länder bekannt gee.
2020 isch dr Eurovision Song Contest wäg dr Coronavirus-Pandemy z erst Mol abgsäit worde. In däm Johr het s drfir e Show under em Name Eurovision: Europe Shine A Light gee.
In dr Gschicht vum ESC isch dr eschtryychisch Bytrag Weil's dr guat got vum George Nussbaumer us em Johr 1996 s ainzige Lied uf Alemannisch gsii. S Lied isch mit 68 Pinkt uf dr 10. Platz vu 23 Dailnämmer chuu.