Litauisch – lietuvių kalba | ||
---|---|---|
Verbreitig: | ![]() ![]() ![]() ![]() ![]() | |
Sprecher: | 3,2 Millioone (2,8 Mio. z Litaue) | |
Linguistischi Klassifikation: |
||
Offizieller Status | ||
Amtssprooch vo: | ![]() ![]() | |
Sproochchürzel | ||
ISO 639-1 |
lt | |
ISO 639-2 |
lit | |
ISO 639-3 |
lit[1] und Altlitauisch olt[2] |
Die litauischi Sprooch (Litauisch; litauisch lietuvių kalba) isch e baltischi Sprooch innerhalb vo dr Familie vo de indogermanische Sprooche. Knapp 3,2 Millioone schwätze Litauisch. Es isch d Amtssprooch z Litaue und sit em 1. Mai 2004 äini vo de Amtssprooche in dr EU. Minderhäite, wo Litauisch schwätze, git s im Nordweste vo Belarus und im Nordoste vo Poole (Woiwodschaft Podlachien). Gröösseri Grubbe vo Exillitauer lääbe in verschiidene Ländern. Elläi für Irland goot mä vo 120'000 Litauer us, wo in dr Uswanderigswälle sit em Zerfall vo dr Sowjetunioon noch 1990 zuegwanderet si.[3] Bis 1945 isch Litauisch au im nördlige Däil vo Ostpröisse, em sogenannte Chläilitaue oder au Pröissisch-Litaue, gschwätzt worde. Dört isch im 16. Joorhundert die litauischi Schriftsprooch entstande.
E historischi Sproochperioode bzw. Entwiggligsstuefe vo dr litauische Sprooch isch s Altlitauische gsi.