Literaturwissenschaft

D Litratuurwüsseschaft isch d Wüssenschaft, wo sich mit dr Litratuur befasst. Hützudaags ghööre doodrzue Däilgebiet wie d Litratuurgschicht, d Litratuurkritik, d Litratuurinterpretazioon, d Literaturtheorii und d Edizionsfilologii. Gschichtlig het sich d Litratuurwüsseschaft entwigglet us dr Beschäftigung mit d Rhetorik und dr Poesii, wie si an de Uniwersidääte gleert worde si, em Roman als Gegestand vo de belles lettres und em Naame nooch mit „Litratuur“, wo bis in s 19. Joorhundert s Fäld vo de wüsseschaftlige Publikazioone gsi isch.

In dr litratuurwüsseschaftlige Dradizioon stöön under anderem d Theaterwüsseschaft und d Mediewüsseschaft.

D Litratuurwüsseschaft as en umfassends wüsseschaftligs Gebiet gits vor allem in Öiropa, aber zum Bischbil im änglischsproochige Ruum wird s Ekwiwalänt «literary science» kuum brucht und mä reedet vo «literary theory», «literary criticism», oder «literary studies», je noch em Däilgebiet, wo mä drüber schwätzt.