Pylos

Pylos (altgriech. Πύλος, Pýlos, noigriechisch: Pílos; mykenisch: Pulos, pu-ro) isch de Name vo merere antike Ortschafte uf de Peloponnes und vonere moderne Chliistadt z Messenie. I de mykenische Zitt hets no e Pulos Lauranthia ggee und e Matorpulos, wa "Muetterpylos" haisst.

Noch de homerische Saage het de Neleus und sii Soo, de Nestor z Pylos gherrscht. Aber scho i de Antiki isches umstritte gsii, weles Pylos dodemit gmaint gsii isch.

Drum het de Strabo e Versli uufgschribe:

Ἔστι Πύλος πρὸ Πύλοιο · Πύλος γε μέν ἔστι καὶ ἄλλος. Strabo, p.399

Da haisst: "Pylos litt vor Pylos, jo und s gitt no en anders Pylos.«