St. Helena (Insel)

St. Helena
NASA-Aufnahme von St. Helena
Gwässer	Südatlantik
Geographische Lage	15° 57′ S, 5° 42′ W-15.95-5.7823Koordinate: 15° 57′ S, 5° 42′ W
Lengi	15 km
Breiti	11 km
Flechi	121,7 km²
Hechschti Hebi	Diana’s Peak 823 m
Iiwohner	4255 (2008) 35 Einw./km²
Hauptort	Jamestown
Topografischi Charte vo St. Helena

St. Helena (änglisch Saint Helena, Ussprooch (BE): [ˌsɪntəˈliːna]^[1]) isch en Insle im Südatlantik. Iire Ursprung isch vulkanisch. Si bildet mit dr Insle Ascension und dr Inselgrubbe Tristan da Cunha s Britische Überseegebiet St. Helena, Ascension und Tristan da Cunha.

Uf dr Insle lääbe e chli mee as 4000 Lüt, wo finanziell uf d Understützig vo Groossbritannie aagwiise si. Die äinzige Industrie si Fischfang und Holzverarbäitig und e chli Kunstgwärb wird au no driibe. In dr Landwirtschaft wird Flaggs aabaut, e chli Gmües und Obst und Chüe und Schoof wärde ghalte. Dr Kaffi vo St. Helena zelt zu de düürste uf dr Wält.

Die äinzig Verbindig zur Ussewält isch mit em Schiff. S Bostschiff chunnt alli zwäi Wuche äinisch zur Insle. Mä isch draa, en internazionale Flughaafe z baue, wo 2016 söll fertig wärde.

St. Helena isch vor allem as dr Verbannigsort vom Napoleon Bonaparte bekannt, wo dört vo 1815 bis zu sim Dood am 5. Mai 1821 im Longwood House im Exil gläbt het.

1. ↑ Oxford Advanced Learner's Dictionary, Online-Version: Definition and pronunciation of St Helena (Memento vom 18. Augschte 2011 im Internet Archive). Abgrüeft am 10. Oktober 2011.