Summenformel

I de Chemie dient d'Summeformel dezue, d Zämesetzig vomene Molekül ahand vo de Atom aazgäh. D'Aazahl vo de Atom stod us Index emmer rächts onderhalb vo de Atombezeichnig. Es "1" werd ned gschrebe.

Bispel:

• H₂O, Wasser, bestod us zwöi Wasserstoff-Atom (h) ond eim Suurstoff-Atom (O),
• H₂SO₄, Schwäfelsüüri, bestod us zwöi Wasserstoff-Atom, eim Schwäfel-Atom (S) ond vier Suurstoff-Atom.

D'Sommeformel seid nüt öber d Struktur vomene Molekül uus, för das werd d'Strukturformel verwändet. Bi eifache Molekül länget aber d'Sommeformel för en eidütigi Beschribig.