S Georgslied isch en althochdytschi Dichtig, wu am Änd vum 9. Johrhundert im alemannische Ruum entstanden isch, villicht uf dr Riichenau.
Erhalte isch ai ainzigi fragmäntarischi Abschrift in dr Otfried-Handschrift P (Heidelberg Cpl 52). S Lied in binnegryymte Langvärs isch di erscht dytschsprochig Hailigelegänd.
S Textverständnis isch ais vu dr schwärschte Probläm vu dr Germanischtik, wel d Abschrift orthographisch seli aigewillig un d Schrift zum Dail schwär zum Läsen isch. Eb s am Änd aagfiegt «Ich chaa nimi!» un d Signatur «Wisolf» vum Schryyber vum Gedicht stammen, isch umstritte.
Zue dr Handschrift (mit Literaturaagabe zum Georgslied) lueg dr Handschriftencensus.
Digitalisat vu dr Handschrift: UB Heidelberg