The Beatles

The Beatles

The Fabs
Allgmeini Informatione
Genre	Rock, Pop, Beat (in dr Früefaase) Psychedelic Rock (in dr Spootfaase)
Gründig	1960
Uuflöösig	1970
Website	www.thebeatles.com
Letschti Bsetzig
Gsang, Rhythmusgitarre	John Lennon († 1980)
Gsang, Bass	Paul McCartney
Gsang, Leadgitarre	George Harrison († 2001)
Schlaagzüüg, Gsang	Ringo Starr (sit 1962)
Frühe Mitglieder
Bass	Stuart Sutcliffe († 1962)
Schlagzüüg	Pete Best (bis 1962)
{Vorlage:ExtrasTitel
Mänädscher	Brian Epstein († 1967)
Broduzänt	George Martin
Doontechniker	Norman Smith (bis 1965)
Doontechniker	Geoff Emerick (seit 1966)
Roudmänädscher spööter CEO vo Apple Corps	Neil Aspinall († 2008)

The Beatles si e britischi Rockbänd in de 1960er Joor gsi. Si häi mee as 600 Millioone^[1] – noch Schetzige vo iirer Blattefirma EMI sogar mee as e Milliarde^[2] Doondreeger verchauft und ghööre zu de kommerziell erfolgriichste Bänds in dr Gschicht vo dr Muusig.

Die musikalische Ursprüng vo dr Bänd lige im Rock ’n’ Roll vom Ändi vo de 1950er Joor. Bald häi si sich mit Stilelimänt vo dr Liverpooler Beatmusik vermischt. Iiri ersti Single Love Me Do isch 1962 uusechoo. D Durchbruch uf dr ganze Wält het d Grubbe im Joor 1963 mit dr Single I Want to Hold Your Hand gschafft. Wäge iirem Muusigstiil, wo denn nöiartig gsi isch, und wie si öffentlig ufdräte si, häi sich d Beatles rasch zu äinere vo de populäärste Bänds entwigglet. Dr Höhepunkt vo iirer Karriere isch zwüschen 1964 und 1968 gsi, wo si zitwiis in fast alle Länder uf dr Wält d Hitparaade aagfüert häi.

Im Joor 1970 häi sich die vier Bändmitgliider wäge Spannige zwüschen e drennt. D Musiker häi denn äigeni erfolgriichi Muusigprojekt verfolgt.

1. ↑ The Beatles now on iTunes. In: www.apple.com. 2010, abgruefen am 14. Februar 2012 (engl.). 
2. ↑ Coldplay 2008’s biggest act at World Music Awards. In: www.reuters.com. 2008, abgruefen am 14. Februar 2012 (engl.).