Back Totensonntag German Totensonntag English یکشنبه مردگان Persian יום ראשון של המתים HE Totensonntag Italian Mirušo piemiņas diena Latvian/Lettish Eeuwigheidszondag Dutch Niedziela Wieczności Polish Totensonntag Turkish
Dr Dootesunntag (lithurgisch Ewigkeitssonntag/Totensonntag) isch in dr evangelische Chilche z Dytschland un in dr Schwyz e Gedänkdag fir di Verstorbene. Är isch dr letscht Sunntig vor em erschte Adväntssunntig un dodermit dr letscht Sunntig vum Chilchejohr. Är lyt zwisch em 20. un em 26. Novämber.
Syt dr Entwicklig vum Chilchejohr im Mittelalter sin mit dr letschte Sunntig vum Chilchejohr liturgischi Lääsige zue dr „Letschte Ding“ verbunde. Derwylscht am drittletschte Sunntig s Thema „Dood“ im Mittelpunkt stoht, het dr vorletschte Sunntig d Thematik „Jingschts Griicht“ un dr letscht „s Eebig Lääbe“.
Dradizionäll thematisiert dr letscht Sunntig im Chilchejohr in bsunderer Wyys d Erwartig vum Jingschte Daag. Doderzue ghert as Sunntigsevangelium s „Glychnis vo de zäh Meitschi“ (Matthäus 25). S bildet d Grundlag fir s Wuchelied, dr Choral vum Philipp Nicolai Wachet auf, ruft uns die Stimme (EG 147) un d Bachkantate mit glychem Name (BWV 140).