![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Apollo Command and Service Module | |
---|---|
![]() Apollo CSM Endeavour mientres a misión Apollo 15 | |
Datos chenerals
| |
Estato | Fin d'as misions |
Aplicación | Nau espacial tripulata |
Operadors | ![]() |
Lanzador | Saturn V |
Duración d'a misión | 14 diyas |
Destín | Luna |
Especificacions tecnicas
| |
Masa | 11,900 kg |
Grandarias | Largaria 11 m Diametro 3.9 m |
Volumen habitable | 6.2 m³ |
L'Apollo Command and Service Module u nomás que CSM (en aragonés "modulo de mando y servicio") yera una nau espacial que estió uno d'os components prencipals emplegaus pa lo programa Apollo d'os Estaus Unius, que aterrizó astronautas en a Luna entre 1969 y 1972.
Yera lo vehíclo encargau de carriar a os tres astronautas dica l'orbita d'a Luna, mantener-los allí y fer-los tornar a la Tierra por meyo d'un amerizache controlau. A capsula Apollo teneba forma de cono, con una altura de 3,18 m y un diametro en a base de 3,9 m y lo suyo peso, incluindo a os tres astronautas, yera de 5534 kilogramos.
O CSM estió desembolicau y construiu pa la NASA por North American Aviation a partir de noviembre de 1961. Inicialment estió disenyau pa aterrizar en a Luna sobre una plataforma de aterrizache de codetes y tornar a os tres astronautas en una misión de puyada directo, que no usaría un modulo lunar, y por tanto no teneba provisions pa acoplar-se con unatra nau espacial[1]. Isto, amás d'atros cambeos de disenyo necesarios, levó a la decisión de disenyar dos versions d'o CSM: o Bloque I s'usaría pa misions sin tripulación y un solament vuelo en orbita terrestre tripulau (Apollo 1), mientres que o Bloque II mas abanzau estió disenyau pa fer servir con o modulo lunar. O vuelo de l'Apollo 1 estió cancelau dimpués que un incendio en a gabina mató a la tripulación y destruyó o suyo modulo de comando entre una preba d'asayo de lanzamiento. As correccions d'os problemas que causoron l'incendio s'aplicoron a la nau espacial Block II, que s'utilizó pa toz os vuelos espacials tripulaus.
Se lanzoron decinueu CSM enta l'espacio. D'istos, nueu voloron humans a la Luna entre 1968 y 1972, y atros dos realizoron vuelos de preba tripulaus en orbita baixa terrestre, toz como parti d'o programa Apollo. Antis d'istos, atros cuatro CSM heban volau como prebas Apollo sin tripulación, d'os cuals dos yeran vuelos suborbitales y atros dos yeran vuelos orbitales. Dimpués d'a conclusión d'o programa Apollo y entre 1973-1974, tres CSM transportoron astronautas a la estación espacial orbital Skylab. Finalment, en 1975, o zaguer CSM volau atracó con a nau sovietica Soyuz 19 como parti d'o Prochecto de Preba Internacional Apollo-Soyuz.