Atenas 1896 | |
---|---|
I Chuegos Olimpicos de Verano | |
![]() | |
Localización | Atenas![]() |
Participants • Países • Atletas |
14 países.[1] 241 atletas.[1] |
Eventos | 43 de 9 esportes[1] |
Ceremonias | |
Apertura | 6 d'abril de 1896 |
Clausura | 15 d'abril de 1896 |
Inaugurau por | Rei Chorche I de Grecia |
Estadio olimpico | Estadio Panathinaiko |
‹ 393 • ![]() |
Os Chuegos Olimpicos de Atenas 1896, conoixius tamién como Chuegos d'a I Olimpiada d'a era muderna, estioron os Chuegos Olimpicos que se celebroron en Atenas (Reino de Grecia hue Grecia) dende o 6 d'abril dica o 15 d'abril de 1896. I participoron 241 atletas [1] varons de catorce países[1] (no participó garra persona de sexo femenín). Por os problemas de transporte y comunicación d'ixas anyadas parteciparon principalment atletas europeos y d'Estaus Unius sin garra partecipant d'Africa ni d'Asia.
O millor esportista estió Karl Schuhmann con cuatre medallas d'oro ganadas y os mes remerauss, James Conolly, que estió lo primer campión olimpico d'a era moderna, y o griego Spiridon Louis, campión olimpico d'a preba de maratón y convertiu en un heroi ta os griegos.
Os Chuegos Olimpicos d'Atenas 1896 estioron l'acayecimiento esportivo con a mayor partecipación d'esportistas y espectadors dica ista calendata, estioron reconoixius como un exito. L'Estadio Panathinaiko, que fue o primer gran estadio moderno construyiu ta un acayecimiento esportivo se quedó chicot y fue o puesto a on mas chent se hi reunió ta veyer un acayecimiento esportivo dica ixa calendata.
Dende ista primera edición cada cuatre anyos se tornan a organizar y atletas y espectadors de tot o mundo tornan a reunirse en una ciudat designada por o COI. Nomás as grans guerras mundials d'o sieglo XX impidioron a suya organización, pero una vegada rematadas se tornoron a organizar dica l'actualidat, que encara se continan fendo.
Atenas tornó a organizar unos Chuegos Olimpicos en l'anyo 2004, con os Chuegos d'a XXVIII Olimpiada.