Clima mediterranio

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O clima mediterranio ye un clima de transición entre o clima templato y o clima subtropical y tropical. Estas dos arias tienen una vechetación netament diferenciata que s'estendilla entre os paralelos 35° N y S d'a Tierra. L'aria templata se caracteriza por tener una pluviosidat abundant y regular mientres tot l'anyo (mas de 800 mm), con temperaturas suaus en verano y un periodo mas u menos luengo de chelatas d'hibierno. Isto da una vechetación cerenya, de caracter caducifolio, con un estrato herbacio nemoral, un estrato de matarrals esferenciato y un estrato arborio alto y bien desenvolicato. Gosan estar suelos fundos y ricos en nutrients y augua.

O clima mediterranio se caracteriza mas que mas por un rechimen con un deficit hidrico mientres a parti calida de l'anyo. O clima mediterranio ye un clima con plevias estacionals, pero a suya distribución ye inversa a la d'o clima tropical. No pleve en o verano. D'atra man, en os meses d'hibierno (o verano austral) puet gosar chelar. As precipitacions anyals son intermeyas entre as d'os climas templato y tropical y as d'o clima subtropical (oscilan entre os 250 y 800 mm por un regular).