Decenio

Un decenio^[1] ye una unidat de tiempo equivalent a un periodo de 10 anyos. O termin tien o suyo orichen en a voz en latín decennium,^[1] formada por a unión d'as palabras decem (diez) y annus (anyos).

O decenio no se achusta necesariament a o patrón d'as decadas d'un sieglo.^[2] Un d'os usos mas comuns d'os decenios ye o d'aquels anyos que comparten os suyos dichitos dica a decena (toz os dichitos menos o zaguero),^[3] ye decir, que prencipia en anyo rematau en «0» y remata en l'anyo rematau en «9».^[3] Por un regular se fa referencia a istos como "os anyos...". Por eixemplo, os anyos 2000, ye o decenio comprendiu entre l'anyo 2000 (d'o sieglo XX), y l'anyo 2009 (d'o sieglo XXI). Tamién puet estar emplegau para referir-se a atros decenios de prencipio y finalización distinta, por eixemplo "Decenio d'as Nacions Unidas pa a Muller" (1975–1985).^[4] Manimenos, se gosa confundir o decenio con a decada y decindo decadas a os decenios, por eixemplo, decada d'os 60, 70, 80, 90, etc.

1. ↑ ^{1,0 1,1} (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
2. ↑ (es) Decenio. Real Academia Española. Diccionario de la lengua española (23.ª edición).
3. ↑ ^{3,0 3,1} «¿Cuándo termina realmente la década? ¿2019 o 2020?». C. Montes. Revista ¿Qué pasa?, La Tercera. 30 d'aviento de 2019.
4. ↑ (es) El Decenio de las Naciones Unidas para La Mujer (1975-1985). Pilar Giménez Armentia