![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Zebra d'as planas | ||||||||||||||||
![]() Equus quagga, a cebra d'as planas. | ||||||||||||||||
| ||||||||||||||||
| ||||||||||||||||
Equus quagga | ||||||||||||||||
Boddaert, 1785 | ||||||||||||||||
![]() Dêstribución de la Equus quagga en Africa. | ||||||||||||||||
A cebra d'as planas (Equus quagga (Boddaert, 1785)) tamién dita cebra común[1], ye la mas abundant de todas as especies de cebras. Se troba dende Etiopia dica Angola por o sud. Fue cazada por a suya carne y por o suyo cuiro, cosa que ne fizo minguar lo numero d'animals. Huei ye encara común en muitas reservas.
A cebra d'as planas ye de tamanyo meyanero, con o cuerpo amplo y las patas relativament curtas. Os adultos d'os dos sexos han una altura de 1,4 m y una lonchitut de 2,3 m, con bels 240 kg de peso. Mesmo que todas as cebras, os suyos cuerpos estan cobiertos de rayas blancas y negras a color y distribución d'as cuals ye unica de cada individuo. Actualment, se'n conoixe tres subespecies, antimás de dos que ya son desapareixidas. Todas tienen franchas verticals en a parte debantera d'o cuerpo, as cuals se'n tornan de mas horizontals asinas s'amanan pa la parte posterior. As subespecies mas nortencas han as franchas mas definidas y finas, mientres que las variedaz d'o sud las han mas variadas pero esparzas en a parte baixa d'o cuerpo, patas y cuixas.
D'as especies conoixidas, a primera que fue descrita ya s'ha extinguiu: A Quagga, que teneba toda la parte mas zaguera d'o cuerpo de color marrón, sin de rayas.
As cebras d'as planas son animals muito socials que s'apaixentan en rebanyos en do que lo líder ye siempre un masto adulto, y chuntado con bellas fembras y las crías suyas, forman una estructura estable que manimenos varía seguntes a comunidat y lo ecosistema. Cuan mas chicos son os campos u mas seca ye la hierba, mas chicoz se fan os grupos. D'a mesma traza, cuan os campos bi han verdura las cebras pueden achuntar-se en grans rebanyos que a ormino tamién incluyen altros animals como nyus u antilops.
As cebras d'as planas no precisan de hierba tan verde como los remugants, y a ormino están as primeras en plegar ta los puestos en dó la hierba ye altera u viella, y cuan la han minchata tota, os altros animals pueden pasar.
As cebras d'as planas solen pasar as nueiz en campo ubierto pa veyer-se venir os predadors. Como fan os caballos, estas cebras fan turnos pa dormir y asinas vichilan de no quedar-se adurmiertas por si venise garra enemigo.