Jean-Paul Belmondo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un u más biquipedistas son treballando actualment enamplando iste articlo. Puede estar que, por ixo, bi haiga lagunas de conteniu u deficiencias de formato. Por favor, antis de realizar correccions mayors u reescrituras, contacte con ells en a suya pachina d'usuario u a pachina de descusión de l'articlo ta poder coordinar-ne la redacción.

Jean-Paul Belmondo
O actor francés Jean-Paul Belmondo, en una imachen de 2001.
Información personal
Calendata naiximiento:	9 d'abril de 1933
Puesto naiximiento:	Neuilly-sur-Seine (Altos d'o Sena, Isla de Francia).
Calendata muerte:	6 de setiembre de 2021
Puesto muerte:	París (Francia)
Enterreco	Cementerio de Montparnasse, París
Alma Máter	Conservatoire national supérieur d'art dramatique
Pai	Paul Belmondo
Mai	Sarah Madeleine Rainaud-Richard
Conchuche:	Elodie Constantin (1953-1965) Ursula Andress (1966-1972) Laura Antonelli (1972-1980) Natty Tardivel (1989-2008)
Fillos:	Paul Belmondo
Premios César
Premio César a o Millor Actor: -1989 por Itinéraire d'un enfant gâté

Jean-Paul Belmondo, naixito de Neuilly-sur-Seine (Altos d'o Sena, Isla de Francia) o 9 d'abril de 1933 y muerto en París o 6 de setiembre de 2021, estió un actor francés con destacadas interpretacions en o cine francés y tamién en o cine internacional, y con cuantos premios recibius mientres a suya carrera cinematografica. Activo en o mundo d'o teatro dende primerías d'os anyos 1950 (y en o mundo d'o cine dende meyaus d'ixa mesma decada) dica primerías d'os anyos 2010, las suyas primeras interpretacions s'adscriben a la clamada Nouvelle Vague d'o cine francés, convertindo-se-ne en una d'as suyas figuras principals. Yera fillo de l'escultor Paul Belmondo y se formó como actor en o Conservatoire national supérieur d'art dramatique de París, antiparte, tamién estió director teatral y productor cinematografico. Ye lo pai d'o piloto d'automovilismo Paul Belmondo.

D'entre as suyas cintas, se puet citar À bout de souffle (1960, Jean-Luc Godard), Léon Morin, prêtre (1961, Jean-Pierre Melville), Un singe en hiver (1962, Henri Verneuil), Le Doulos (1962, Jean-Pierre Melville), Cartouche (1962, Philippe de Broca), Cent mille dollars au soleil (1964, Henri Verneuil), L'Homme de Rio (1964, Philippe de Broca), Pierrot le fou (1965, Jean-Luc Godard), Le Cerveau (1969, Gérard Oury), Borsalino (1970, Jacques Deray), Le Magnifique (1973, Philippe de Broca), Peur sud la ville (1975, Henri Verneuil), Flic ou Voyou (1979, Georges Lautner), Le Corps de mon ennemi (1976, Henri Verneuil), Le Guignolo (1980, Georges Lautner), Le Professionnel (1981, Georges Lautner), L'As des as (1982, Gérard Oury), u Itinéraire d'un enfant gâté (1988, Claude Lelouch).