Lewis Stone

Lewis Stone
En 1923
Información personal
Calendata naiximiento:	15 de noviembre de 1879
Puesto naiximiento:	Worcester (Massachusetts)
Calendata muerte:	12 de setiembre de 1953
Puesto muerte:	Los Angeles (California)
Conchuche:	Margaret Langham (m. 1906; muerta en 1917) Florence Oakley (m. 1920; esvurcio en 1929) Hazel Elizabeth Woof (m. 1930; dica que él morió)
Fillos:	3
Premios Oscar

Nominau a l'Oscar a o Millor Actor: -1929: por The Patriot.

Lewis Shepard Stone (conoixiu por o suyo nombre artistico de Lewis Stone), naixiu de Worcester (Massachusetts) o 15 de noviembre de 1879 y muerto en Los Angeles (California) o 12 de setiembre de 1953, estió un actor estausunidense,^[1] activo en o cine estausunidense dende primerías d'os anyos 1910 en o cine mudo dica meyaus d'os anyos 1950.

Mientres a suya ampla carrera cinematografica interpretó a-saber-los de papels, detacando-ne as suyas interpretacions en bellas cintas como The Prisoner of Zenda (1922, Rex Ingram; como curiosidat, tamién treballó trenta anyadas dimpués en o suyo remake en color de 1952, The Prisoner of Zenda), Scaramouche (1923, Rex Ingram; y tamién i treballó en o suyo remake en color de 1952, Scaramouche), The Patriot (1929, Ernst Lubitsch), Grand Hotel (1932, Edmund Goulding), u West Point of the Air (1935, Richard Rosson). Tamién destacó por o suyo papel protagonista como Chuez Andy Hardy en una quincena de cintas.