|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O Premio literario Villa de Sietemo estió un premio atorgau en o certamen de literatura en luenga aragonesa promoviu por o Concello de Sietemo, con a colaboración d'o Consello d'a Fabla Aragonesa, que se celebraba cada dos anyos en o debantdito lugar dica o 2013.
A primer edición d'o premio se celebró en 1991, convocada por o Concello de Sietemo y con l'aduya d'a Deputación Cheneral d'Aragón, o Consello d'a Fabla Aragonesa, Ibercaja y o Instituto de Estudios Altoaragoneses.
Os premios yeran en a modalidat de poesía y de narrativa (curta). Amás d'os premios chenerals, podeban conceder-sen accésitz y premios especials.
Os treballos ganadors, que replegan obras en aragonés común y dialectal, se publicaban en una colección clamada "O manantial de Sietemo". O nombre ye quitau d'una d'as narracions que obtenioron accésiz en a primer edición, O manantial de Sietemo, de Nieus Izquierdo Nasarre.