![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O títol de Prencipe de Chirona u Princesa de Chirona ye un d'os títols que se dan a o hereu u herava a la corona reyal d'a Corona d'Aragón. Tien o suyo orichen en 1351 cuan o rei Pero IV d'Aragón nombra a o suyo succesor, a qui concede o títol de Duque de Chirona; un títol que incluye os territorios d'os condaus de Chirona, Besalú, Empúries y Osona.
En a parti I d'as Constitucions i Altres Drets de Cathalunya, a sección titulata Genealogia dels Reys d'Aragó i Comtes de Barcelona parla sobre a chenealochía de Chuan I d'Aragón, fillo de Pero IV, decindo-ie que Chuan y Violant tienen un fillo dito Chaime, "lo cual intitularen Delphi de Girona". Iste estió l'unico hereu d'a Corona d'Aragón que recibió o títol de Delfín de Chirona.
O 19 de febrero de 1416, Ferrando I d'Aragón, considerando o títol de duque insuficient, puya o suyo rango a Prencipau de Chirona.[1] Atros tres títols representan a os atros reinos d'a Corona d'Aragon: o hereu d'a Corona d'Aragón yera o Prencipe de Chirona (Aragón), Duque de Montblanc (Catalunya), Conte de Cervera (Valencia) y Sinyor de Balaguer (Mallorca).
Chuan-Carlos de Borbón estió o primer miembro d'a Casa de borbón espanyola en fer servir o títol de Prencipe de Chirona. Prencipió a emplegar-lo en o suyo pasaporte mientres d'a dictadura de Franco, ta evitar o títol de Prencipe d'Asturias que sonaba mas pretencioso por estar mas conoixito como o títol reservato ta o hereu d'o tron d'Espanya.
En l'anuncio d'a voda entre Chuan-Carlos de Borbón y Sofía de Grecia en 1961, a casa reyal nombró a o prencipe como Prencipe d'Asturias, Prencipe de Chirona y Prencipe de Viana — os tres títols referindo-se a o suyo estatus como hereu d'os reinos de Castiella, Aragon y Navarra respectivament.
Dende o 21 de chinero de 1977, cuan Chuan-Carlos churó a Constitución en o Parlamento Espanyol y se convirtió en rei constitucional d'Espanya, o títol estió en posesión de Felipe de Borbón, Prencipe d'Asturias dica o 19 de chunio de 2014 cuan puya a o trono y o títol pasa a la suya filla mayor Alionor de Borbón y Ortiz actual hereva a o trono.