Radio de van der Waals

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O radio de van der Waals ye o radio d'una esfera solida imachinaria eemplegata ta modelizar l'atomo.

Os gases reals no se comportan exactament tal y como se predició en o modelo de gas ideyal, podendo estar a desviación considerable en bels casos. Asinas, por eixemplo, os gases ideyals no presentan transicions de fase liquida u solida, independientment d'o descenso de temperatura u incremento de presión a que sían sozmesos.

Una d'as modificacions d'a lei d'os gases ideyals, proposata por o fisico neerlandés Johannes Diderik van der Waals, ye a ecuación d'estato de van der Waals, que introduce dos parametros a y b obtenitos experimentalment y que penden d'a naturaleza d'o gas. O factor de corrección b denominato volumen d'exclusión, fa referencia tanto a o volumen propio d'os atomos, como a o volumen circumdant en que no puet haber-ie atros porque a ista distancia predominan as fuerzas de repulsión entre os atomos d'o gas (fuerzas de van der Waals).

Una vegata conoixita a valura d'o volumen d'exclusión, obtenendo experimentalment ta achustar a ecuación de van der Waals a o comportamiento real d'o gas, o radio r puet obtener-se d'a ecuación:

${\displaystyle b={\frac {16}{3}}\pi N_{a}r^{3}}$

a on:

• N_a ye o numero d'Avogadro, y
• r ye o radio de van der Waals.