![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Reggio Calabria Reggio di Calabria | |||
Localidat d'Italia | |||
| |||
Estau • Rechión • Ciudat metrop. |
![]() ![]() Reggio Calabria | ||
Superficie | 236,02 km² | ||
Población • Total • Densidat |
170 951 hab. (2015) 790,11 hab/km² | ||
Altaria • Meyana |
31 m. | ||
Codigo postal | 89121–89135 | ||
Prefixo | 0965 | ||
Codigo ISTAT Codigo catastral |
080063 H224 | ||
Chentilicio | Reggini (en italiano) | ||
Fiestas | 23 d'abril | ||
Patrons | Sant Chorche | ||
Coordenadas | | ||
Web oficial |
Reggio di Calabria (prenunciato /ˈrɛʤ:o ˌdikaˈlabrja/; Rrìggiu en dialecto reggino; Righi en griego de Calabria; Ρηγιον, Reghion en griego), mas a sobén dita Reggio Calabria, u simplament Reggio en tot o sud d'Italia, ye a primera ciudat calabresa por antigüidat, amplaria cheografica y numero d'habitants. Ye capital d'a ciudat metropolitana de Reggio Calabria y seu d'o Consello rechional de Calabria. Con una población humana de 186.937 habitants (2007) ye o deciueiteno municipio mas poblato d'Italia.
O territorio municipal -definito a prencipios d'o sieglo XX y dito "Gran Reggio"- se troba en o centro d'una gran aria metropolitana de cuasi 368.000 habitants que comprende a-saber-los municipios entre Bagnara Calabra y Melito di Porto Salvo y dica l'Aspromonte.
Reggio ye en o centro d'un aria turistica d'importancia historico-cultural y balniaria, ye una ciudat universitaria, y amás ye situata en o centro d'una zona agricola particularment fértil gracias a lo clima templato, con producción d'aceite d'oliva, vin, citricos y hortalicias. Tamién ye tipica la producción d'a esencia de bergamotto, citrico que nomás se cautiva en iste territorio y que s'ha convertito en un d'os simbolos d'a ciudat.
Igual que muitas atras ciudaz d'o "Mare Nostrum", en a cultura local de Reggio gosa identificar-se como lo centro exacto d'a mar Mediterrania, feito por que muitas y milenarias culturas a traviés d'a historia han formato parti d'a cultura y lo esprito d'os habitants de Reggio.
Tradicionalment li s'ha dito a Reggio a "Ciudat d'a Fata Morgana" ya que se hi produce o raro fenomeno optico-mitolochico d'a Fata Morgana, en que pareixe que a costa siciliana se troba a bels poquez metros, podendo veyer-se incluso casas y personas.