![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Xiphias gladius | |
---|---|
Un emperador u peix espada (Xiphias gladius). | |
Denominacions populars | |
emperador [1], peix espada
| |
Estau de conservación | |
Clasificación cientifica | |
Animalia | |
Filo:
|
Chordata |
Actinopterygii | |
Istiophoriformes | |
Xiphiidae | |
Xiphias | |
X. gladius | |
Descripción | |
Distribución cheografica | |
Distribución de l'emperador u peix espada. |
O peix espada u emperador (Xiphias gladius (Linnaeus, 1758))[2] ye una especie de Actinopterygii d'a orden d'os Istiophoriformes y familia Xiphiidae que ye caracterizau per un pico luengo, plano y punchigudo. Istos peixes se troban amplament en as partis tropicals y templadas d'os ocians Atlantico, Pacifico y Indico, y per un regular se pueden trobar amán d'a superficie dica una fondura de 550 m, y excepcionalment dica fonduras de 2.234 m.[3] Cheneralment, aconsiguen os 3 m de luengo, y lo maximo informau ye de 4,55 m de luengo y 650 kg de peso.
Os peixes espada son animals ectotermicos; manimenos, de conchunta con cualques especies de tiburons, tienen organos especials chunto a los uellos pa calentar os uellos y lo celebro. S'han mediu temperaturas de 10 a 15 °C per dencima d'a temperatura de l'augua circumdant. L'escalfamiento d'os uellos millora enormement a suya visión y, en consecuencia, millora la suya capacidat pa atrapar presas.[4]