Aeropuertu LaGuardia

Aeropuertu LaGuardia
aeropuertu internacional, aeropuertu y aeródromu de tráficu comercial
IATA: LGA • OACI: KLGA
Llocalización
País	Estaos Xuníos
Estaos	Nueva York
Ciudá	Nueva York
Borough	Queens
Coordenaes	40°46′30″N 73°52′30″W / 40.775°N 73.875°O / 40.775; -73.875
Aeropuertu LaGuardia Aeropuertu LaGuardia (los EE.XX.)
Altitú	6 m
Historia y usu
Dueñu	Nueva York
Xestión	Autoridad Portuaria de Nueva York y Nueva Jersey (es)
Orixe del nome	Fiorello La Guardia (es)
Aeropuertu
Ciudá a la que sirve	Nueva York
Instalaciones
Wifi
Web oficial

L'Aeropuertu LaGuardia (IATA: LGA, OACI: KLGA, FAA LID: LGA) ye un aeropuertu d'usu civil asitiáu en East Elmhurst, nel distritu de Queens de la ciudá norteamericana de Nueva York. Construyíu en 1929 y d'usu públicu dende 1939, ocupa actualmente una estensión de 280 ha, y recibe'l so nome del de Fiorello La Guardia, alcalde de Nueva York ente 1934 y 1945.

L'aeropuertu recibe principalmente vuelos nacionales, porque al nun tener delegación de la Oficina d'Aduanas y Protección de Fronteres nun puede recibir vuelos procedentes d'otru país que nun ficieran escala primero notru aeropuertu del país. En 2019 yera'l terceru con más vuelos y pasaxeros del área metropolitana de Nueva York, tres el John F. Kennedy y el de Newark y el 21ᵘ con mayor volume de pasaxeros del país^[1]. Magar que l'aeropuertu ye un centru d'operaciones tanto p'American Airlines como pa Delta Air Lines, el movimientu d''aeronaves ta sometíu a importantes restricciones: hai una suspensión de vuelos nocturnos munchos meses del añu, el tráficu regúlase por un sistema de slots y hai, col envís d'amenorgar la contaminación acústica, una norma de perímetru que prohibe, sacante los sábados, los vuelos con orixe o destín a una distancia mayor de 2.400 km^[2].

Nes décades de 2000 y 2010 LaGuardia garró sonadía por tener unes instalaciones antigües y sucies y pola so ineficiencia nel manexu de les operaciones aérees^[3][4]. Como rempuesta a estes crítiques l'Autoridá Portuaria de Nueva York y Nueva Jersey anunció, en 2015, un plan multimillonariu (8.000 millones de dólares de presupuestu^[5]) de reconstrucción de les infraestructures del aeropuertu que se ha prolongar hasta 2025^[6]. En 2020 abriose la nueva Terminal B^[7],

1. ↑ «2019 Airport Traffic Report». Port Authority of New York and New Jersey:  p. 29. 2019. https://www.panynj.gov/content/dam/airports/statistics/statistics-general-info/annual-atr/ATR2019.pdf. 
2. ↑ Long Distance at La Guardia. 4 d'agostu de 2005. http://www.nysun.com/editorials/long-distance-at-la-guardia/18053. Consultáu'l 7 de mayu de 2022. 
3. ↑ ABC News 7NY (27 de febreru de 2017). «LaGuardia Airport has most flight delays in the nation, report finds» (inglés). Consultáu'l October 15, 2021.
4. ↑ «Biden compares New York's LaGuardia airport to 'third world country'». Yahoo! News. 6 de febreru de 2014. https://news.yahoo.com/biden-compares-new-york-s-laguardia-airport-to--third-world-country-204943274.html. Consultáu'l 7 de mayu de 2022. 
5. ↑ LGA redevelopment, na web del aeropuertu (anewlga.com).
6. ↑ «Final Destination in Sight for $8B LaGuardia Modernization». Engineering News-Record. 27 d'ochobre de 2020. https://www.enr.com/articles/50506-final-destination-in-sight-for-8b-laguardia-modernization. Consultáu'l 7 de mayu de 2022. 
7. ↑ Redevelopment mliestones, na web del aeropuertu (anewlga.com).