Tipu | Nación y población |
---|---|
Población total | 150 000 000 |
Llingua | alemán |
Relixón | protestantismu y catolicismu |
Epónimu | Alemaña |
Xeografía | |
Estáu | Alemaña, Austria, Liechtenstein y Suiza |
[1][2] | |
[3] | |
[4][5] | |
[6] | |
[7][8] | |
[9][10] | |
[11] | |
[12] | |
[13] | |
[14] | |
[15] | |
[16] | |
[17] | |
[18] | |
[19] | |
![]() |
Los alemanes (n'alemán Deutsche) son un pueblu que baxa de delles tribus xermániques qu'habitaben lo que sería darréu conocíu como la zona de fala alemana d'Europa.
Cola fundación de la nación moderna d'Alemaña, qu'asocedió recién en 1871 y que nun incluyó tol territoriu de fala alemana d'Europa, el términu alemanes pasó tamién a designar a los residentes d'esta nación. Dientro de l'Alemaña moderna, los alemanes nesti sentíu quedaron definíos pol so ciudadanía (alemanes federales, Bundesdeutsche), que s'estrema de los pueblos con raigaños alemanes (Deutschstämmige). Históricamente, nel contestu del Imperiu alemán (1871-1918) y darréu, los ciudadanos alemanes (alemanes imperiales, Reichsdeutsche) yeren estremaos de los alemanes étnicos (Volksdeutsche).
De los aproximao 100 millones de persones que la so llingua materna ye l'alemán, unos 66-75 millones considérense alemanes. Esisten, amás, 80 millones de persones d'ascendencia alemana n'Arxentina, Australia, Brasil, Canadá, Chile, Estaos Xuníos, Francia, Polonia, Perú, Rusia, Uruguái y Venezuela. Amás, nel sieglu XIX hubo una importante folada d'inmigrantes alemanes nel departamentu de Santander, en Colombia. La mayoría de los alemanes residentes n'otros países nun tienen l'alemán como llingua materna.[20] Esto pon el númberu d'alemanes nel mundu ente 66 y 160 millones, dependiendo del criteriu que s'aplique.
Na actualidá, la xente de países onde la mayoría de la población fala alemán o esisten grupos significativos de persones de fala alemana fuera d'Alemaña, como Austria, Suiza, Liechtenstein y Luxemburgu, desenvolvieron la so propia identidá nacional y nun se refieren a sigo mesmos como alemanes nel contestu modernu.