Brigaes Internacionales | |
---|---|
paramilitar y legión extranjera (es) | |
Llocalización | |
Sede | Albacete |
Direición |
Segunda República Española Francia Italia Alemaña Polonia Xunión Soviética Estaos Xuníos Reinu Xuníu Bélxica Checoslovaquia Rumanía Yugoslavia Hungría Albania Canadá Suecia Suiza Bulgaria República d'Irlanda |
Historia | |
Fundación | 18 setiembre 1936 |
Disolución | 23 setiembre 1938 |
Fundador | Partíu Comunista d'España |
Bolsa de valores | Fuerzas Armadas de la República Española (es) |
Les Brigaes Internacionales fueron unidaes militares compuestes por voluntarios estranxeros de más de 50 países que participaron na Guerra Civil Española xunto al exércitu de la Segunda República Española, enfrentándose al bandu subleváu contra'l gobiernu llexítimu surdíu de les eleiciones de 1936.
Según los datos remanaos polos estudios realizaos n'Estaos Xuníos pol Batallón Abraham Lincoln y pol historiador Andreu Castells, llegaron a participar en total 59.380 brigadistes estranxeros, de los cualos morrieron más de 15.000; coles mesmes los internacionales nun devasaron más el númberu de 20.000 homes presentes nos frentes en cada periodu de la guerra. La nacionalidá más numberosa foi siempres la francesa, con una cifra cercana a los 10.000 homes, bona parte d'ellos de la zona de París. La mayoría nun yeren soldaos, sinón trabayadores reclutados voluntariamente polos partíos comunistes (Comintern) o veteranos de la Primer Guerra Mundial.
La so base atópase na Base Aérea de Los Llanos, n'Albacete. Les Brigaes participaron na defensa de Madrid en 1936, les batalles del Jarama, Guadalaxara, Brunete, Belchite, Teruel, Aragón y l'Ebro, siendo retiraes a partir del 23 de setiembre de 1938, con cuenta de modificar la posición ante la intervención estranxera del Comité de Non Intervención.