Back Bundeswehr Afrikaans Bundeswehr ALS الجيش الألماني Arabic Almaniya Silahlı Qüvvələri Azerbaijani Bundeswehr BAR Бундэсвер Byelorussian Бундесвер Bulgarian জার্মানির সামরিক বাহিনী Bengali/Bangla Bundeswehr Breton Bundeswehr Catalan
La Bundeswehr (
escuchar (?·i), «Defensa Federal» n'alemán) son les fuercies armaes unificaes d'Alemaña y la so alministración civil. La Llei Fundamental pa la República Federal d'Alemaña nun lu dexa a los Estaos d'Alemaña (Länder) caltener les sos propies fuercies armaes y establez que les xeres de defensa son responsabilidá esclusiva del Gobiernu federal.[1]
La Bundeswehr ta estremada nuna parte militar coles Fuercies armaes (Streitkräfte) y una parte civil cola Alministración de la fuercia de defensa (Wehrverwaltung), la Oficina federal de Teunoloxía de defensa y Alquisiciones (Bundesamt für Wehrtechnik und Beschaffung) y l'Oficina federal para de la xestión d'información de la Bundeswehr (Bundesamt für Informationsmanagement und Informationstechnik der Bundeswehr, dacuando embrivida como IT-AmtBw). La parte militar de la fuercia de defensa federal ta formada poles cañes d'Exércitu (Heer), Armada (Marine), Fuercia aérea (Luftwaffe), el Serviciu de sofitu conxuntu (Streitkräftebasis) y el Serviciu médicu Central (Zentraler Sanitätsdienst).
En tiempu de paz, l'alministración ta so les órdenes del Ministru de Defensa (anguaño Ursula von der Leyen). Al declarase l'estáu de guerra, tresfierse'l comandu al Canciller (anguaño Angela Merkel).
El soldáu con rangu más altu ye'l Generalinspekteur der Bundeswehr (Inspector Xeneral de la Bundeswehr) y tien coles mesmes el grau de Xeneral o Almirante, anque nun ye'l comandante en xefe militar, cargu que nun esiste na estructura de la Bundeswehr.
A mediaos de 2007 la Bundeswehr cuntaba con 250.000 soldaos; el Heer con 105.000, la Luftwaffe con 45.000 y la Deutsche Marine con 19.000, el Zentraler Sanitätsdienst con 19.000 y la Streitkräftebasis con 56.000, d'ellos 7,500 formaben parte de delles fuercies internacionales de pacificación en llugares como los Balcanes, Afganistán y El Líbanu. Amás, la Bundeswehr cuntaba con más que 90.000 oficiales civiles.