Cantera

Una cantera ye una esplotación minera, xeneralmente a cielu abiertu, na que se llogren roques industriales, ornamentales o grebos. Les canteres suelen ser esplotaciones de pequeñu tamañu, anque'l conxuntu d'elles representa, probablemente, el mayor volume de la minería mundial.

Los productos llograos nes canteres, a diferencia del restu de les esplotaciones mineres, nun son sometíos a concentración. Les principales roques llograes nes canteres son: mármoles, granitos, caliares, travertinos y cayueles.

Toa cantera tien una vida útil, y una vegada escosa, l'abandonu de l'actividá puede aniciar problemes de calter ambiental, principalmente rellacionaos cola destrucción del paisaxe.

Pueden alcontrase na llocalidá de Macael, Almería, España, una gran concentración de canteres de mármol blancu, que ye estrayíu y ellaboráu pa distintes construcciones y oxetos de decoración.