Conceyu de Constantinopla III | ||||
---|---|---|---|---|
conceyu ecuménicu | ||||
![]() | ||||
| ||||
![]() |
El Tercer Conceyu de Constantinopla, celebráu del 7 de payares de 680 al 16 de setiembre de 681, tamién recibe'l nome de Conceyu Trullano n'alusión a la sala del palaciu imperial onde se realizó, que llevaba'l nome de trullos (cúpula). Munchos entienden por "Conceyu Trullano" o "Conceyu Trulano" el Conceyu Quinisexto del 692,[1][2][3][4][5][6] y por eso los que dan esti nome al Conceyu de 680–681 apliquen al de 692 la denominación "Segundu Conceyu Trullano".
Foi convocáu pol emperador romanu d'oriente Constantino IV, y presidíu por él en persona. Los principales protagonistes fueron Constantino IV y el patriarca Sergio; tamién dos Papes: San Agatón y Lleón II.
El motivu de convocar el conceyu, dende'l puntu de vista doctrinal, foi'l problema de la herexía del monotelismu, qu'almitía en Cristu una sola voluntá y una sola operación o principiu d'operación, a saber: la divina. Ye un sucedaneu del monofisismu que namái almite nel home-Dios una sola naturaleza: el Logos.