Concord (New Hampshire)

Concord
Alministración
País	Estaos Xuníos
Estaos	New Hampshire
Condado (es)	Condado de Merrimack (es)
Tipu d'entidá	ciudá de los Estaos Xuníos
Mayor of Concord, New Hampshire (en)	Byron O. Champlin (en)
Nome oficial	Concord (en)
Nome llocal	Concord (en)
Xeografía
Coordenaes	43°12′24″N 71°32′17″W / 43.2067°N 71.5381°O / 43.2067; -71.5381
Concord Concord (los EE.XX.)
Superficie	174.022217 km²
Altitú	88 m
Demografía
Población	43 976 hab. (1r abril 2020)
Porcentaxe	100% de Condado de Merrimack (es)
Densidá	252,7 hab/km²
Viviendes	17 761 (31 avientu 2020)
Más información
Fundación	1733
Prefixu telefónicu	603
Estaya horaria	UTC−05:00 UTC−04:00
concordnh.gov

Concord ye la capital del estáu de New Hampshire, nos Estaos Xuníos, y centru alministrativu del condáu de Merrimack. Sodividida nos barrios de Penacook, East Concord y West Concord, tien una población de 43 976 hab. (1 abril 2020)^[1][2].

El territoriu qu'anguaño ye Concord yera, primero de la colonización, el llar de la tribu nomada Pennacook. Dempués, el 17 de xineru de 1725 la provincia de la bahía de Massachussetts asignó-y a esti territoriu'l nome de Plantación de Pennacook, que foi desarrollada por dellos colonos de Haverhill (Massachusetts) dirixíos pol capitán Ebenezer Eastman entre 1725 y 1727. El 9 de febreru de 1734 algamó l'estatus urbanu col nome de Rumford. Tres d'una engarradiella rellacionada coles llendes de la ciudá cola vecina de Bow, el gobernador Benning Wentworth camudó'l nome de la ciudá pol actual de Concord, que tentaba de reflexar la nueva situación de concordia y harmonía ente les ciudaes vecines.

Nel sieglu XIX Concord espoxigó enforma. En 1807 Samuel Blodget abrió una canal con compuertes pa permitir el pasu de barcos pola Amoskeag Falls (cascada de Amoskeag), ríu abaxu de la ciudá, lo que permitió la comunicación fluvial de Concord y Boston al traviés de la canal de Middlesex. Eso, y la posición central de la ciudá dientro l'estáu, ficieron d'ella la opción más racional cuando hebo qu'escoyer una capital estatal. El so capitoliu, construyíu en 1819, ye'l más antiguu del país nel qu'entá sigue axuntándose'l parllamentu estatal. Tamién nesi sieglu la ciudá convirtióse nún ñudu ferroviariu, pel que salíen los productos testiles que se fabricaben en Penacook aprovechando l'agua del ríu Contoocook pa xenerar enerxía.

Anguaño la so economía céntrase nel sector servicios. L'alministración estatal ye la mayor emplegadora de la ciudá, y el segundu l'hospital de Concord.

1. ↑ Data de consulta: 1r xineru 2022. URL de la referencia: https://data.census.gov/cedsci/table?t=Populations%20and%20People&g=0100000US,%241600000&y=2020. Editor: Oficina del Censu de los Estaos Xuníos.
2. ↑ censu de población