Concorde | |||||
---|---|---|---|---|---|
modelu d'aeronave | |||||
narrow-body quadjet airliner (en) ![]() ![]() | |||||
![]() | |||||
Información | |||||
Fabricante |
Sud Aviation (es) ![]() British Aircraft Corporation (es) ![]() Aérospatiale Airbus Group (es) ![]() British Aerospace BAE Systems (es) ![]() | ||||
Historia | |||||
Primer vuelu | 2 marzu 1969 | ||||
Entrada en serviciu | 21 xineru 1976 | ||||
Retirada de serviciu | 26 payares 2003 | ||||
Operadores |
| ||||
Acontecimientos significativos |
manufactura Vuelo 4590 de Air France (es) ![]() | ||||
Carauterístiques | |||||
Tipu d'ales |
low wing (en) ![]() ![]() | ||||
Unidaes fabricades | 6 y 14 | ||||
Fuercia motora |
Olympus 593 (en) ![]() | ||||
Eslora | 61,66 metros | ||||
Altor | 12,2 metros | ||||
Alcance | 6580 quilómetros | ||||
Masa | 185 065 quilogramos | ||||
![]() |
L'Aérospatiale-BAC Concorde foi un avión supersónicu utilizáu pal tresporte de pasaxeros.[1] Foi construyíu a partir de los trabayos conxuntos de los fabricantes British Aircraft Corporation (británicu) y Aérospatiale (francés). En 1969 realizó'l so primer vuelu, entró en serviciu en 1976 y voló mientres 27 años, hasta la so salida de circulación en 2003. Los sos principales destinos fueron los aeropuertos de Londres Heathrow, París-Charles de Gaulle, John F. Kennedy y Washington-Dulles, los dos últimos pertenecientes a Estaos Xuníos. Podía llegar a los destinos na metá de tiempu qu'un avión comercial convencional por cuenta de la so velocidá supersónica.[2]
L'avión ye consideráu como un iconu de l'aviación y una maravía de la inxeniería. Construyéronse un total de 20 aviones en Francia y Reinu Xuníu, seis d'ellos yeren prototipos y aviones de prueba. Siete fueron apurríos a Air France y otros siete a British Airways. El so nome «Concorde», provién de la unión y collaboración de Francia y el Reinu Xuníu nel desenvolvimientu y fabricación del aparatu. El so desenvolvimientu y fabricación fueron una gran inversión económica pa les empreses BAC y Aérospatiale.[1] Amás, los gobiernos francés y británico dieren arrogantes subvenciones a British Airways y Air France pal desenvolvimientu y adquisición del aparatu.
El grave accidente d'unu de los Concorde el 25 de xunetu de 2000, l'únicu en 27 años de serviciu,[3][2] y otros factores como la escasa rentabilidá, bastiaron el so retiru definitivu. El so últimu vuelu foi'l 26 de payares de 2003. Foi'l primer avión a reacción supersónicu en ser usáu de manera comercial, puestu en serviciu'l 21 de xineru de 1976, antes del tamién supersónicu Tupolev Tu-144, la competencia soviética del Concorde, qu'entró en serviciu de pasaxeros el 1 de payares de 1977.