Cowboy

Un cowboy (n'español vaqueru) ye l'encargáu de les xeres rellacionaes cola ganadería en gran parte de los estaos del norte de Méxicu como Chihuahua, Baxa California, Durango, Coahuila, Nuevo León, Sinaloa, Sonora, Tamaulipas, Zacatecas y San Luis Potosí, n'Estaos Xuníos nos estaos de Texas, California, Arizona, Kansas, Oklahoma y Utah; y tamién nes provincies d'Alberta, Columbia Británica, Manitoba y Saskatchewan en Canadá. La so figura adquirió trescendencia na segunda metá del sieglu XIX col surdimientu de les rutes ganaderes dende Texas y Chihuahua escontra'l norte de los Estaos Xuníos dempués de la guerra civil, cuando'l tresporte de los animales per tierra riquía de caballeros de gran maña y resistencia.

El so estilu de vida y trabayu foi heredáu de los mexicanos que vivieron nel actual territoriu texano y la so crianza del ganáu introducíu polos españoles dende'l sieglu XVI. Foi idealizáu como'l protagonista de numberoses hestories romántiques que s'inclúin nel llamáu xéneru wéstern. El femenín del cowboy ye la cowgirl. Tamién llamáu buckaroo por deformación de la pallabra vaqueru» n'español.